Posts Tagged ‘વેર’

અધૂરી ગઝલ

ફેબ્રુવારી 28, 2010

(લખ્યા તારીખ: જાન્યુઆરી ૨૩, ૧૯૯૨)

(અછાંદસ)

(બે શે’ર ખૂટે છે)

અજાણ્યું લાગે છે તારા ગામમાં અજાણ્યું લાગવું

પરાયું લાગે છે તારા નામમાં પરાયું લાગવું

સણસણતા સવાલોના દ‍ઉં જડબાતોડ જવાબો

હિંસાની વાત કર મા, છે ભવનું મેણું ભાંગવું

સામાન્ય બનવાની ધૂનમાં ઓગાળ્યે ગયો હું જીવન

આગવાપણું ખોઈને બની બેઠો વ્યક્તિત્વ આગવું

Advertisements

સુવાસોને સુમનમાંથી

ફેબ્રુવારી 28, 2010

(લખ્યા તારીખ: ૧૯૯૪)

(અછાંદસ)

(એક શે’ર ખૂટે છે)

ઘડી છે મૂર્તિઓને મેં સૂસવતા આ પવનમાંથી

જુઓ સૌંદર્ય ટપકે છે નીરખનારા નયનમાંથી

જવાશે કોરા તો નહીં જગતની મહેફિલોમાંથી

ભરી સુગંધને વહેતી હવા જુઓ ચમનમાંથી

ઊઠે છે જ્વાળ પર જ્વાળો હૃદય લાગણીએ બળતું

પ્રકટશે તન્વીશ્યામા દ્રૌપદી પણ આ હવનમાંથી

ખોયા સ્પર્શ ’ને રંગો ’ને ખોઈ મદભરી મસ્તી

નીચોવીને શું પામ્યો ક્‍હે સુવાસોને સુમનમાંથી?