Posts Tagged ‘વીરરસ’

શક્તિનો ગરબો – જેવો ગવાવો જોઈએ તેવો

ફેબ્રુવારી 28, 2010

(લખ્યા તારીખ: ઑક્ટોબર ૧૯૯૧)

(તાલ: હીંચ – નહીં તો બીજો ક્યો?)

(રાગ: ચંદ્રકૌંસ)

જોજે જોજે માતાજી રંગ જાય ના (૨)

તારું માતાપણું વગોવાય ના!                                                 જોજે.

આવે આવે તોફાન ભલે માવડી

ડૂબી જાય રે છોને મારી નાવડી

મોંથી નામ તારું ખોવાય ના!                                                  જોજે.

હસી મરવાનું બળ તું દેજે

મરી હસવાનું બળ તું દેજે

ચડજે વા’રે જો તુંથી સહેવાય ના!                                             જોજે.

કદી થાકી હારીને મૂકું પડતું

પાપલીલામાં સાથે જોડાઈ જ‍ઉં

ભૂલથી મારાથી એવું થાય ના!                                                  જોજે.

Advertisements

અધૂરી ગઝલ

ફેબ્રુવારી 28, 2010

(લખ્યા તારીખ: ઑક્ટોબર ૧૭, ૧૯૯૫)

(અછાંદસ)

(એક શે’ર ખૂટે છે)

અમાસની રાત તેં કાળી કરી છે

દીવાઓથી અમે તો દિવાળી કરી છે

કાંટા તેં જેના ઉપર પાથર્યા’તા

તેને ગુલાબોની પથારી કરી છે

જીવન વેડફ્યું આખું યારો ઉપર

ના પ્રેમમાં અમે ઉધારી કરી છે

શાયરી દે છે શોભા મને નીલકંઠી

જિગરમાં જોર છે ’ને ખુમારી કરી છે