Posts Tagged ‘અંતરાવલોકન’

આયના મહેલમાં

ફેબ્રુવારી 28, 2010

(લખ્યા તારીખ: ૧૯૯૬)

સાચું ક્યું પ્રતિબિંબ છે આ આયના મહેલમાં?

મારું ક્યું પ્રતિબિંબ છે આ આયના મહેલમાં?

જે ઉઠાવું બિંબ તે લાગે મારું મહોરું મને

જે જીવું તે સાવ લાગે સાચમાં ખોરું મને

ઝળકશે હીર સાચું ક્યા કહોને પહેલમાં?                    સાચું.

કંપ છે કે જંપ છે વિશ્વાસની ઓછપમાં

શીળું કશુંક લાગ્યા કરે દમામની ઝાંખપમાં

લ‍ઉં છું જિંદગીને સાચી રીતે કે લ‍ઉં છું સહેલમાં?            સાચું.

શબ્દો મને છળતા રહે ’ને મૌન પણ ભળતું રહે

અંતરે ખાલિપો ’ને માંહ્ય કશું બળતું રહે

આ એવું તો મહીં શું છે આ બાકી રહેલમાં?                   સાચું.

Advertisements