Archive for the ‘ઈશ્વરસંબોધન’ Category

અવતાર

ફેબ્રુવારી 21, 2010

(લખ્યા તારીખ: ૧૯૮૯)

આવું તો ખરો બનીને તથાગત

મત્ત હાથી પણ કચડવા દોડાવજે

પણ પાછળથી ભગવાન કહીશ મા

આવું તો ખરો બનીને ઈશુ

ક્રોસે ખીલા મારીને જડજે

પણ પાછળથી હાથ ધોઈ નાખીશ મા

કરોળિયો પણ સાત વખત

જાળું બાંધવામાં નિષ્ફળ જાય છે

તો નવી જગ્યા શોધે છે

હવે પછી કદાચ મારો (નહીં કે તારો)

ઉદ્ધાર કરવા પાછા

પરશુરામ બનીને ન આવવું પડે!

Advertisements