હુસૈનસાગરની સાંજ

(લખ્યા તારીખ: જૂન ૨૦, ૧૯૯૫)

(તાલ: રૂપક)

(હૈદરાબાદ-સિકંદરાબાદના હુસૈનસાગર તળાવના કાંઠે એક રમણીય સાંજે રચાઈ)

અળતામાં ડૂબેલ સૂર્ય આ હળવે ત્યહીં ગળકી જશે

મદન પુષ્પધનુ મહીં મીઠો શબ્દ કો’ રણકી જશે                                     અળતામાં.

રિસાઈ જો મુજ વાતથી પણ વાત સાચી એ જ છે

મુજ વાત કેરી છાલકે તારા બંધ હોઠ મલકી જશે                          અળતામાં.

બની ન હોત જો રજની તો શું થાત આ પ્રણય તણું

વિચારી જો ત્યાં પ્રભાતનાં મીઠાં સ્મરણ ત્યાં ઝળકી જશે                        અળતામાં.

કમાન કેરી તાણથી ઘડિયાળ છો દોડ્યા કરે

સાચું કહું વા’લુડી આપણ સમય ત્યાં અટકી જશે                          અળતામાં.

Advertisements